Perëndia ka një plan të mrekullueshëm për jetën tënde përmes Jezusit. Mëso se si mund të gjesh shpresë përmes një marrëdhënieje me Perëndinë.
Perëndia të do!
"Ka një Perëndi" që sundon mbi të gjithë universin. Perëndia është një Frymë; Ai është i plotfuqishëm, i dashur dhe i mirë. Perëndia është dashuri — dhe Ai të do dhe dëshiron që ti të jesh fëmijë i Tij!
Ne kemi mëkatuar.
Mëkati është të thuash, të bësh ose të mendosh gjëra që janë të gabuara dhe mëkatet tona na ndajnë nga Perëndia. “Sepse të gjithë kanë mëkatuar dhe kanë rënë nga lavdia e Perëndisë.” Ne meritojmë ndëshkim për mëkatet tona — “Paga e mëkatit është vdekja, por dhurata e Perëndisë është jeta e përjetshme në Krishtin Jezus, Zotin tonë.” Perëndia dërgoi Jezusin.
Perëndia dërgoi Birin e Tij Jezu Krishtin në botë në mënyrë që mëkatet tona të mund të falen.
Jezusi jetoi një jetë të përsosur dhe Ai i shëroi, i deshi njerëzit dhe u mësoi atyre mbi Perëndinë. Ai u ekzekutua si një kriminel i zakonshëm mbi një kryq prej druri.
Kur Ai vdiq, Ai me dëshirë mori mëkatet e botës — të tuat dhe të miat — dhe pagoi dënimin në vendin tonë. “Sepse Perëndia e deshi aq shumë botën sa dha Birin e tij të vetëm, që kushdo që beson në të, të mos humbasë, por të ketë jetë të përjetshme.”
Të pranosh Jezusin…
“Të gjithë atyre që e pranuan Atë, Ai u dha të drejtën të bëhen bij të Perëndisë, madje edhe atyre që besojnë në Emrin e Tij.”
Nëse do të doje të pranoje Jezu Krishtin si Shpëtimtarin dhe Zotin tënd, dhe të largohesh nga mëkatet e tua e t’i kërkosh Perëndisë të t'i falë mëkatet, ti mund ta bësh këtë lutje që tani dhe t’i kërkosh Jezusit të hyjë në jetën tënde.
“Zot Jezus, unë besoj se Ti je Biri i Perëndisë që vdiq për të paguar dënimin për mëkatet e mia. Unë hap derën e zemrës sime dhe të kërkoj të bëhesh Shpëtimtari dhe Zoti im. Kërkoj faljen tënde për të gjitha mëkatet e mia. Të lutem m'i fal mëkatet dhe më ndihmo të jetoj për ty.”
